Ditë finalesh në Kategorinë Superiore. Të gjitha ekipet vetëm fitoret duan, duke nisur nga ndeshjet e orës 13:45. Sigurisht ndeshja që pritet të jetë më e luftuara është ajo mes Laçit dhe Kukësit, dy skuadrat ndjekëse të Tiranës së vendit të parë.
Vetë bardheblutë kanë një transfertë jo të largët, por delikate kundër Kastriotit të vendit të fundit. Për krutanët mund të jetë treni i shpresës për qëndrimin në Abissnet Superiore.
Tirana në krahun tjetër kërkon tre pikët dhe pret një rezultat në interesin e saj nga dueli Laçi-Kukësi. Në siklet të madh është përfshirë Dinamo, që sot luan në “Elbasan Arena” kundër Teutës.
Egnatia fitoi dje dhe i ka barazuar blutë me pikë, ndërkohë edhe durrsakët janë aty me pikë dhe rrezikojnë përfshirjen në vorbullën e ekipeve që luftojnë për mbijetesë, ndaj sot mes tyre mund të konsiderohet një finale.
Discussion about this post