Presidenti i Republikës, Ilir Meta ka dekretuar ditën e sotme tre ligje. Bëhet me dije se, njëri prej tyre i përket marrëveshjes mes vendit tonë dhe Pfizer Export B.V. për furnizimin me vaksina. Vendi ynë më së shumti ka marrë doza të ‘Pfizer’ për vaksinim dhe së shpejti, pas kësaj marrëveshje, pritet të vijnë dhe disa doza të tjera. “Ligjin nr. 106/2021 “Për miratimin e aktit normativ, me fuqinë e ligjit, nr. 30, datë 27.9.2021 “Për miratimin e disa ndryshimeve të nënshkruara në marrëveshjen për prodhimin dhe furnizimin nga dhe ndërmjet Pfizer Export B.V. dhe Ministrisë së Shëndetësisë dhe Mbrojtjes Sociale të Shqipërisë, ministrit të Shtetit për Rindërtimin dhe Institutit të Shëndetit Publik, miratuar me aktin normativ nr. 3, datë 18.1.2021, të Këshillit të Ministrave”, thuhet në njoftimin e Presidencës.
Ndërsa dy dekret e tjera i përkasin ligjit “Për ratifikimin e Konventës së Këshillit të Europës për Bashkëprodhimin Kinematografik (e rishikuar), Roterdam, 30.1.2017”, si dhe ratifikimi i konventës ndërmjet Këshillit të Ministrave të Republikës së Shqipërisë dhe qeverisë së shtetit të Izraelit për shmangien e taksimit të dyfishtë dhe parandalimin e evazionit fiskal në lidhje me tatimin mbi të ardhurat”. E.H/ gijotina.com/
Discussion about this post