Nga mbrojtja në sulm, Kukësi zyrtarizon tre përforcime në një ditë

Ditë zyrtarizimesh te Kukësi. Klubi verilindor ka firmosur me tre futbollistë dhe ka dalë me njoftim.

Njërin e ka marrë nga Partizani dhe ai është mesfushori Kristi Kote, 23 vjeç, i cili ka firmosur për dy sezone.

E njëjta kohëzgjatje edhe për marrëveshjet e Ante Zivkovic dhe Antonio Ilieski. I pari luan si sulmuesi dhe ka qenë pjesë e Radnik Bijlelj, Borec, Umraniyespor, Aluminij, Nk Dugopolje, Novigrad dhe Sibenik. 29-vjeçari në sezonin e fundit ka shënuar 7 gola në 14 ndeshje.

Sa i takon Ilieskit, ai aktivizohet si mbrojtës qendre dhe ka veshur fanellës e Renovës, Korabit, Tikves, Gostivarit e Makedonija GP.