Humbja në finalen e Superkupës së Spanjës ndaj rivalëve historikë ka shkaktuar pakënaqësi në kampin e Real Madridit.
‘’Galaktikët‘’ nuk mundën ta mposhtin Barcelonën dhe evidentuan se drejtuesit ende kanë punë për të bërë në merkaton e verës, e cila do të startojë në 1 korrik.
Carlo Ancelotti sigurisht është përgjegjësi kryesor për disfatën e kryeqytetasve, trainer të cilin e presin shumë sfida të vështira në të ardhmen.
Mbrojtja
Krahu i djathtë i mbrojtjes së spanjollëve është një ndër repartet më difektozë pasi Lucas Vazquez dhe Alvaro Odriozola nuk kanë dhënë rezultate dhe rifreskimi i tij konsiderohet një domosdoshmëri.
Edhe në qendrën e mbrojtjes Real Madridi nuk ka rezultuar një ekip bindës, pavarësisht se në këtë pozicion aktiviziohen pesë lojtarë duke filluar me Militaon, Alaban të cilët në njëfarë mënyre e justifikojnë besimin e ishi-t të Milanit por Rudiger, Nacho dhe Jesus Vallejos nuk kanë ofruar pothuajse asgjë duke e mbushur kupën.
Mesfusha
Një tjetër element që i nevojitet Carlo Ancelottit është shkatërruesi dhe aktualisht numri një i stolit ka në dispozicion vetëm Aurelien Tchouamenin dhe në rastin kur francezi nuk është i gatshëm, Toni Kross ose Eduardo Camavinga aktivizohen por gjatë ndeshjeve nuk i kanë përmbushur pritshmëritë e 63 vjeçarit.
Nuk mund të anashkalohet krahu i majtë i ofensivës pasi Eden Hazard prej kohësh ka mbetur në prapavijë ndërsa Vinicius Junior ka treguar shenja lodhjeje gjatë sfidave dhe domosdoshmërisht i nevojitet një mbështetje për të rritur efektivitetin.
Sulmi
Kërkesa e fundit nga Carlo Ancelotti është një qendërsulmues. Që prej largimit të Cristiano Ronaldos, Karim Benzema ka rezultuar i vetmi në majën e ofensivës duke qenë se Mariano Diazi nuk preferohet më por problemi lidhet me refuzimin e dominikanit për tu larguar nga ‘’Santiago Bernabeu‘’.
Sigurisht që vetëm me francezin Real Madridi ka humbur protagonizëm dhe kjo periudhë do të jetë determinante për ti vënë kapakun luhatjeve të shfaqura në fazën e parë të sezonit.
Discussion about this post