Sot është një ditë tepër e veçantë për yllin e futbollit, Cristiano Ronaldo. Legjenda e këtij sporti feston sot ditëlindjen e tij të 40-të, ku përgjatë këtyre viteve ka pasur shumë histori, gola e trofe.
Një karrierë e gjatë e nis që në vitin 1995 tek skuadra portugeze e Andorina, për të kaluar më pas te Nacional. Ndërsa “qershia mbi tortë” dhe “katapulta” e tij ishte Sportingu u Lisbonës, aty ku edhe ra në sy me performancat e tij.
Më pas, në vitin 2003 ndodhi një nga transferimet më historike, që i parapriu një karriere të mbushur me gola e trofe. Nga Sportingu i Lisbonës tek Manchester United, për vetëm 19 milionë euro. Në “Old Trafford”, Ronaldo filloi të merrte vëmendjen e gjithë botës me performancat e tij.
Dhe pikërisht në vitin 2009 për shkak të këtyre performancave, CR7 fitoi simpatinë e presidentit të Real Madrid, Florentino Perez, i cili shpenzoi plot 94 milionë euro për shërbimet e tij. Me Real Madrid ia doli që të fitonte Champions League, La Liga, por me fanellën e “Los Blancos” fitoi e shumë “Topa të Artë”.
Më pas kalimi te Juventus dhe rikthimit te Manchester United nuk shkuan siç duhet, edhe pse problemi nuk dukej të ishte ai, por momenti ku dy klubet ndodheshin. Ndërsa sot, edhe pse në moshën 40 vjeçare, vazhdon të dhurojë gola pafund me fanellën e Al Nassr në Arabinë Saudite.
Discussion about this post