Një ceremoni zyrtare është organizuar para godinës së Kryeministrisë në Bulevardin “Dëshmorët e Kombit” në nder të ish-Presidentit amerikan, Bill Clinton.
E ndërsa Clinton zbriti në aeroportin e Rinasit rreth orës 15:00 ku u prit nga Kryeministri Edi Rama, më pas ishte një takim mes ish-Presidentit dhe Kreut të Qeverisë, e cila u pasua nga pritja publike në nder të ish-Presidentit amerikan.
Clintonit iu akordua “Ylli i Mirënjohjes”, ndërsa disa qindra qytetarë iu bashkuan ceremonisë.
Dhe në momente të tilla nuk ka si të mungojnë deputetët apo politikanët që kanë mbajtur funksione në shtetin shqiptar. E ndërsa nga socialistët ishin të pranishëm të gjithë deputetët, nga rradhët e opozitës kanë marrë pjesë një pjesë e ligjvënësve. Mes të ftuarve ishin Lulzim Basha, Enkelejd Alibeaj, Oriola Pampuri, Arbi Agalliu, por edhe JoridaTabaku. Gjithashtu të pranishëm ishin Agron Duka e Fatmir Mediu, por edhe ish-Presidenti Bamir Topi.
Discussion about this post