Merkato e kësaj vere mund të konsiderohet pa frikë si më ‘bomba’ që mund të ketë ndodhur ndonjëherë.
Emrat më të mëdhenj të futbollit botëror ndryshuan klubet e tyre gjatë kësaj periudhe, kulmi mund të thuhet se ishte largimi i Lionel Messit nga Barcelona për te PSG-ja pas 21 vitesh qëndrimi në klubin katalanas.
Cristiano Ronaldo zgjodhi të mos ishte më pjesë e Juventus, por të rikthehej pas 12 vitesh te Manchester United ku edhe nisi të rritej emri i tij.
Jack Grealish nga ana tjetër mund të konsiderohet si blerja më e shtrenjtë e Manchester Cityt.
Marcel Sabitze ishte një nga transferimet e mëdha të realizuara nga Bayern Munich, i cili fokusin kryesor e pati te rinovimi me emrat e mëdhenj që ka në përbërje.
Memphis Depay ishte një nga afrimet e mëdha të Barcelonës nga Lyon, katalanasit pranuan të humbisnin Messin, por më pas realizuan afrime të tjera të mëdha.
Romelo Lukaku la këtë verë skuadrën që i dha lavdinë më të madhe, Interin për t’u rikthyer si një kampion i Seria A te Chelsea.
Gianluigi Donnaruma, portieri kampion i ‘Euro 2020’ la Milan dhe kaloi te PSG me parametra zero. Zgjedhje për të cilën ende nuk dihet a ishte e duhura, pasi deri më tani parisienët e kanë lënë vetëm në stol.
Ashtu si Messi te Barcelona edhe Sergio Ramos te Real Madrid e pa veten të lënë jashtë planeve të spanjollëve, për të kaluar më pas në Francë te klubi i PSG.
Antoine Griezmann ishte finalizimi i lëvizjeve të emrave të mëdhenj, francezi u konfirmua në orët e fundit të merkatos, pra mbrëmjen e djeshme te klubi i Atletico Madrid./Gijotina.com
