Prokuroria e Posaçme Kundër Krimit dhe Korrupsionit, SPAK nisi një seri arrestimesh mëngjesin e sotëm lidhur me dyshimet për korrupsion gjatë lejeve dhe ndërtimit të tre inceneratorëve për trajtimin e mbetjeve urbane në Elbasan, Fier dhe Tiranë.
Për skandalin në fjalë, SPAK ka dhënë 9 masa sigurie, ku në mesin e të arrestuarve është dhe Erjon Murataj, anëtar i Komisioni Prokurimit Inceneratorit të Tiranës, i cili akuzohet për shpërdorim detyre.
Me profesion jurist, Erion Muarataj nuk është i panjohur për publikun. Ai njihet gjithashtu si aktivist dhe ka qenë më herët kandidat i Bindjes Demokratike për qarkun e Elbasanit në zgjedhjet e kaluara. Në prnga ka rënë edhe Pëllumb Abeshi, i arrestuar pasi ka mbajtur postin e Kryetarit të Komisionit të Dhënies me Koncesion.
Arenc Myrtezani, është një tjetër i arrestuar, ish-administrator i inceneratorit të Fierit. Sipas GJKKO ai akuzohet për “Korrupsioni aktiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”, kryer në rrethanën cilësuese “në bashkëpunim”.
I arrestuar është gjithashtu, Florian Muccaj, ish-anëtar i komisionit të prokurimit të koncesioneve, ndërsa në arrest shtëpi janë lënë Sabina Cenameri dhe Etleva Kondi.
Discussion about this post