Lojtari i Kombëtares shqiptare, që është duke shkëlqyer te Empoli, Nedim Bajrami ka folur së fundmi se pse mban numrin 10.
Në një intervistë të dhënë për ‘Gazzetta dello Sport’ pas ndeshjes kundër Udineses, ku shënoi një gol dhe asistoi te një tjetër, mesfushori ka folur edhe për zgjedhjen e përfaqësueses ‘Kuqezi’.
“Ia dola ta merrja numrin 10. Në Zvicër kur isha fëmijë e fillova me 30. Më pas tek Empoli kalova te numri 11, tani kam marrë 10-shin, që është numri im i preferuar”,-u shpreh ai.
Modeli që ndjek Bajrami është i një trajneri të njohur: “Zinedine Zidane ka qenë modeli im gjithmonë. Më pëlqente shumë kur isha në akademinë e të rinjve. Ai është padyshim modeli im që duhet ndjekur”.
Më tej ai ka shpjeguar edhe arsyen se pse zgjodhi të luajë me Shqipërinë “Kam arsyetuar me zemër, më kanë thirrur dhe nuk kam menduar dy herë”.
Faza e mirë që po kalon me Empolin është një tregues i mirë edhe për Kombëtaren, që pritet ta ketë në top formë mesfushorin./K.T/Gijotina.com
Discussion about this post