Aktorja e njohur e humorit, Arjola Demiri, ka zbuluar mëngjesin e sotëm ofertat e punës që ka marrë pas daljes nga shtëpia e “Big Brother VIP”. Gjithashtu ajo foli edhe për raportin që ka me Monika Lubonjën dhe Ilir Shaqirin, me të cilët krijoi një shoqëri mjaft të mirë brenda shtëpisë më të famshme në Shqipëri.
E ftuar në emisionin “Wake Up”, Arjola u shpreh se ka marrë oferta nga Kosova, me të cilën gjithmonë ka pasur një marrëdhënie të ngushtë.
“Bëhet fjalë për dy emisione televizive, për serialin “Sha je be tu folën?” Besoj se këto janë mjaftueshëm në këtë moment. Jam shumë e lumtur padiskutim”, tha aktorja e njohur.
Ndërsa teksa po fliste për miqtë që bëri brenda shtëpisë së BB VIP, ish-banorja u shpreh se dhe me Monikën dhe me Ilirin ka një raport shumë të mirë edhe tani pas daljes nga shtëpia e “Big Brother Vip”.
“Edhe me Ilirin e Monikën kam raport shumë të mirë. Dje kisha një rol me Monikën në Portokalli. Dalja ka qenë me rikuperim më të vështirë, por marrëdhënia me Monikën ka qenë ajo që ka qenë”.
Discussion about this post