Kryeministri Edi Rama dhe ministrja e Shëndetësisë Ogerta Manastirliu, kanë bërë të ditur se 11 fëmijë jetimë kanë marrë sot statusin “Fëmijë në përkujdesje të Republikës”.
Bëhet fjalë për fëmijë të mjekëve apo infermierëve dhe jo vetëm, që kanë rënë në krye të detyrës, të cilët do të kenë tashmë mbështetjen e qeverisë me një paketë mbështetje deri në moshën 25 vjeçe.
Ministrja theksoi se për ta do të ketë mbështetje për arsimin, mbështetje sociale, përfshi këtu bursa dhe tekste shkollore falas.
“Trajtim financiar me pagën e prindit që ka humbur jetën gjatë gjithë viteve të fëmijërisë deri në 25 vjec, nëse fëmija vendos te vazhdoje arsimin e lare. Mbështetje për arsimin, kujdes shëndetësor e mbrojtje sociale. Bursa për ndjekjen e arsimit parauniversitar në institucionet arsimore publike e tekste shkollore falas. Bursë të plotë e janë të përjashtuar nga tarifat vjetore në institucionet publike të arsimit të lartë. Mbështetje për punësim në administratën publike apo biznes privat”, tha Manastirliu.
Discussion about this post