Përballja PSG-Manchester City që do të luhet mbrëmjen e sotme në orën 21:00 në ‘Parc des Princes’ mund të cilësohet si një finale e parakohshme e Champions League.
Ndërsa na ndajnë disa orë nga kjo supersfidë kanë dalë edhe formacionet se si pritet të luajnë mbrëmjen e sotme këto dy skuadra.
Trajnerët prite të përdorin skemat i karakterizojnë ata 4-3-3 për vendasit, ndërsa është ende në dyshim Leo Messi, prezenca ose jo e të cilit do të mësohet vetëm pak para takimit.
Teksa e gjithë vëmendja ka qenë e përqendruar te pjesëmarrja apo jo e argjentinasit në këtë ndeshje nuk mund të lihet mënjanë as portieri Gianluigi Donnarumma. Ishi i Milan pritet që mbrëmjen e sotme të bëjë debutimin me skuadrën e tij pas disa muajsh që është pjesë e klubit të parisienëve.
PSG është më e penalizuar kur bëhet fjalë për mungesat. Sergio Ramos që ende nuk ka debutuar, Angel Di Maria i ndëshkuar me karton të kuq në ndeshjen e fundit dhe Messi e Verratti që janë ende në dyshim.
Ndërsa Guardiola nuk do të ketë në dispozicion gjermanin Ilkay Gundogan i cili është i dëmtuar, Benjamin Mendy i pezulluar për shkak të skandalit dhe Oleksandr Zinchenko që është në dyshim./K.T/Gijotina.com
