Kryetari i Komisionit të Kuvendit Kombëtar të PD-së Jemin Gjata ka bërë publike tre vendimet që u votuan sot nga delegatët. Bëhet fjalë për miratimin e rezolutës së 12 dhjetorit, iniciativën për dekomunistizimin si dhe mos vendosjen në funksione drejtuese të personave të shpallur non grata nga SHBA.
Rezoluta e 12 dhjetorit cilësoi nul Kuvendin e 11 dhjetorit dhe të gjitha vendimet e ndërmarra prej tij. Po ashtu, cilësoi lëvizjen e ish-kryeministrit Sali Berisha, si anti-amerikane. Në pikat e tjera të kësaj rezolute, njihet si Kuvend legal ai i 18 dhjetorit, si dhe theksohet se Partia Demokratike ka në plan të parë luftën ndaj korrupsionit dhe pa ndëshkueshmërisë.
“I kërkoj strukturës së PD-së që ditën e nesërme pasi të jenë hedhur në sistem 5004 emrat të bëhen publike. E kemi diskutuar që të mund të operonim më shpejt që t’i bënim që sot në sallë publike por Kuvendi nisi me vonesë për shkak të procesit të zgjatur të verifikimit. Tre vendime që do marrë ky kuvend dhe një të katërt vendim që ka të bëjë me një ndryshim në statut.
Vendimi i parë për të ratifikuar rezolutën e Këshillit Kombëtar të PD të datës 12 dhjetor 2021.
Vendimi i dytë me propozim të kryesisë së Partisë në mbledhjen e ditës së djeshme, pas një diskutimi dhe debati të gjerë brenda PD-së Kryesia i propozon Kuvendit që në funksion të së ardhmes seë PD-së dhe të Shqipërisë të mbrojtjes së vlerave dhe parimeve. Duke mbështetur vendimmarrjen e KK, të Kryesisë së partisë dhe duke parë të ardhmen e vendit në udhëkryq dhe të PD-së të kërcënuar nga jehona të së shkuarës, nga flukse me ide antidemokratike vendos,
1- Shpallja non grata nga SHBA është e papajtueshme me çdo funksion drejtues në PD;
2- Të mbështesë fuqimisht iniciativën për dekomunistizimin.
3- Për një ndryshim nën nenin 58 të PD-së për të shtuar tek ky nen, një nen që ka të bëjë me krijimin si një strukturë statutore të Aleancës qytetare për Demokracinë”, deklaroi Gjana.
Discussion about this post