Gijotina.com ka zbardhur programin e qeverisë “Rama 3”, që kryeministri Edi Rama do të prezantojë ditën e nesërme në Kuvend. Mësohet se, programi është i përbërë nga rreth 42 faqe edhe 5 shtylla kryesore mbi të cilat do të fokusohet qeverisja përgjatë mandatit të saj 4-vjeçar.
Rimëkëmbje e ekonomisë nga tërmeti dhe pandemia, gjithashtu mirëqenia dhe zhvillimi i ekonomisë duke krijuar shanse për të gjithë, janë dy nga pikat kryesore të këtij programi qeverisës.
Ndërkohë që me rëndësi ngelet edhe pika që lidhet me modernizimin për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve, familja si dhe fokusi te një Shqipëri e fortë.
Gijotina.com bëri të ditur më herët se nesër do të mbahet seanca e radhës plenare, ku përveç programit qeverisës, do të bëhet dhe votimi i qeverisë së re. Pasi të kalohen këto dy procedura, qeveria e sapoemëruar duhet të betohet para Presidentit Ilir Meta.
Seanca e nesërme vjen dy ditë pasi Meta dekretoi ministrat e qeverisë “Rama” 3, të cilët sipas SPAK dhe Prokurorisë së Posaçme rezultuan se nuk janë persona nën hetim.
Kujtojmë se, në seancën plenare të zhvilluar ditën e premte, ish-ministrja e Arsimit Lindita Nikolla u zgjodhe kryetare e Kuvendit me 79 vota pro, e katër kundër. D.L/Gijotina.com
