Historia e jetës dhe suksesit të Giannis Antetokounmp’s është shumë frymëzuese për çdo sportist të ri.
Lindur në Greqi nga prindër nigerianë në 1994, ai punoi si shitës rrugët e Athinës kur ishte fëmijë, për të ndihmuar familjen e tij të siguronte jetesën. Tani, Giannis ka fituar trofeun NV Final MVP, duke u bërë lojtari i parë që nga Bob Pettit 60 vjet më parë, që shënoi 50 pikë në një lojë të Finaleve të NBA.
Antetokounmpo’s ka folur gjatë për betejat që ai dhe familja e tij kaluan në Greqi, të cilët shpesh kishin mungesa të dokumenteve të duhura për të jetuar aty. Ai dhe vëllezërit e tij Francis, Thanasis, Kostas dhe Alex shisnin në rrugë për të ndihmuar familjen.
Ndërsa ka shtuar më tej se racizmi dhe diskriminimi atje ka qenë në nivele shumë të larta, duke ua vështirësuar Giannis dhe familjes së tij shumë jetesën, madje ka theksuar se ai e ka marrë nënshtetësinë greke vetëm në vitin 2013.
Kampioni ka kujtuar një nga momentet dhe personat më racist ndaj të huajve në Greqi, Nikolaos Michaloliakos. Kreu i partisë së ekstremit të djathtë të Greqisë Agimi i Artë, e sulmoi faktin që Giannis mori shtetësinë greke publikisht. “Nëse i jepni një shimpanzeje në kopshtin zoologjik një banane dhe një flamur, a është ai grek?”.- u shpreh Michaloliakos.
Fillimet dhe ecuaria e Giannis në basketball
Në vitin 2007, Giannis filloi të luante basketboll dhe tërhoqi vëmendjen e skautëve me performancën e tij. Një nga personat që zbuloi talentin e tij ishte Ëilly Villar, drejtori sportiv i Real Zaragoza. Kështu, në 2012-ën, Antetokounmpo nënshkroi një marrëveshje 4-vjeçare me palën Spanjolle.
Megjithatë Antetokounmpo shpejt u përmirësua akoma më shumë, gjë që bëri që ai të zgjidhej nga Milëaukee Bucks. Ata e morën Giannis nga Real Zaragoza në moshën 18-vjeçare, duke e bërë një nga lojtarët më të rinj të NBA.
Në vitin 2017 ai arriti të merrte çmimin Lojtari më i Përmirësuar i kampionatit. Çmimet MVP pasuan në 2019 dhe 2020, për të ardhur më pas trofeu i Lojtarit Mbrojtës të Vitit në 2020.
Tani, në vitin e tij të tetë në këtë kampionat, Giannis ka fituar dhe gjithashtu ka marrë trofeun e finales së NBA.
Pas fitores së trofeut ai është shprehur se përfaqëson si Nigerinë ashtu edhe Greqinë, pasi për Giannis ato janë të dyja vendet e tij.
“Unë përfaqësoj të dy vendet e mia, Nigerinë dhe Greqinë, dhe shumë fëmijë nga atje,”-tha ai pasi fitoi finalen e NBA të martën në mbrëmje./Gijotina.com
