Në një mbledhje të këshillit Bashkiak, pikërisht një ditë para Ditës Botërore të Pastrimit, kryebashkiaku i Tiranës Erion Veliaj paralajmëroi nisjen e procedurave për heqjen e licencës kompanisë, e cila është kontraktuar nga Bashkia e Tiranës, për të pastruar zonën katër të kryeqytetit deri në vitin 2024. Zona katër përfshin segmentin bulevardit “Dëshmorët e Kombit” në anën lindore, gjatësinë e rrugës “Konferenca e Pezës” në anën veriore dhe të gjithë vijën kufizuese të Tiranës në pjesën jugore të saj.
Pikërisht për këtë zonë, Veliaj tha se shërbimi i pastrimit do t’i kalojë një kompanie tjetër të dyshuar si fasadë që mbulon kontratat prej miliona euro që u jepen kompanive private për pastrimin e kryeqytetit kompanisë publike “Eco Tirana”.
“…po përgatitem për të marrë një vendim tjetër këtë javë, prapë për heqje licence, por tani të një operatori pastrimi. Ajo zonë, që ka qenë një nga zonat më problematike dhe ku kemi pasur më shumë vërejtje me atë operator, Loti IV, do t’i kalojë kompanisë publike “Eco Tirana” për të kryer pastrimin aty, sepse kjo histori duhet të marrë fund” – tha Velilaj.
Kompania, e cila sipas Veliajt nuk kryen shërbimin e pastrimit, është ‘Fusha’ sh.p.k, një kompani e njohur në vend dhe shumë e dashur për qeverinë dhe Bashkinë e Tiraqnës, e cili vitet e fundit rezulton në majën e kompanive që kanë përfituar më shumë para publike, përmes tenderave pa garë dhe koncesioneve në njësitë vendore dhe degët e qeverisë.
Kjo kompani është shpallur Në 16 shkurt 2021, Bashkia e Tiranës shpalli fituese kompaninë ‘Fusha’ për tenderin e pastrimit të zonës katërt të Tiranës, duke lidhur kontratën në fund të muajit mars me afat 3 vjet. Fondi limit për pastrimin e zonës katër ishte rreth 9 milionë USD, ndërsa oferta fituese e Fushës 8.6 milionë USD.
Por siç duket Veliaj ka në mendje një tjetër plan, pasi pas 5 muajve, Bashkia e Tiranës nis procedurat për prishjen e kontratës me kompania ‘Fusha’ dhe kalimit të saj tek ‘Eco Tirana’
Veliaj ka përdorur Eco Tirana që të japë tendera me prokurim të drejtpërdrejtë, pra me negocim paraprak. Disa milion euro tendera, janë dhënë për disa kompani private, mes të cilave edhe e “preferuara”, Fusha Sh.p.k. Eco Tirana rezulton gjithashtu të ketë bërë një sërë tenderash për blerje, marrje me qira apo shërbime të tjera. Pra, Erion Veliaj nuk po përdor Bashkinë, por maskohet me Eco Tirana, që të “ushqejnë” me tendera klientët dhe firmat private.
Ky është vijimi i rasteve korruptive, ku Veliaj i akordon kësaj kompanie miliona para prej 5 vitesh, duke majmur xhepat e tij dhe ortakëve pranë tij.
Gijotina.com
