Problem “Bennacer” në shtëpinë e Milanit. Testet që iu nënshtrua mesfushori kuqezi pas dëmtimit të pësuar në fillim e ndeshjes së parë të Euroderbyt të Champions League, nxorën në pah një lezion kërcor post-traumatik të kondilit femoral anësor të gjurit të djathtë.
Një problem që do ta detyrojë lojtarin t’i nënshtrohet një operacioni artroskopik dhe që sigurisht nuk do të lejojë që Pioli të mund ta përdorë në rikthimin e së martës ndaj Interit dhe as në angazhimet e sezonit të ardhshëm.
Sipas asaj që mësohet, ndërhyrja duhet të kryhet të premten ose të shtunën. Pas ndeshjes kundër Interit, Bennacer ishte larguar nga San Siro me paterica.
Kohët e rikuperimit nuk janë komunikuar zyrtarisht nga Milani, por sezoni i Bennacer përfundoi dje pas makthit në derbin kundër Interit, duke qenë se periudhat minimale të rikuperimit janë të paktën 2-3 muaj.
Një problem shtesë për Piolin, i cili me kalimin e tij në vijën e parë kishte gjetur një ekuilibër për Milanin e tij. Të paktën deri në derbin katastrofik të mbrëmjes së kaluar.
Discussion about this post