Zjarret vazhdojnë duke rritur frikën dhe ankthin te qytetarët.
Si pasojë e flakëve, disa banorë u detyruan të dalin në rrugë, ndërsa disa hipën në çati për t’i shpëtuar zjarrit. Ashtu si në korrik, edhe këtë herë zjarri kërcënoi banesat e kryeqytetit të Italisë. Alarmi i kuq u dha për provincat e Mesinës dhe Trapanit.
Në Palermo ishte një natë frike, për shkak të zjarreve që shpërthyen në zonën Brancaccio, midis Via Fichidindia dhe San Ciro.
Tre avionë Canadair janë vënë në gatishmëri për të shuar zjarret. Temperaturat e larta dhe erërat kanë favorizuar përhapjen e zjarreve, të cilat shkatërruan tokat, kërcënuan shtëpitë dhe një pikë karburanti.
Zjarret janë përhapur dhe në Siçili. Një zjarr shpërtheu në Passo del Fico, pranë aeroportit Fontanarossa në Catania, duke shkaktuar devijimin e disa fluturimeve për në Comiso, Lamezia dhe Palermo.
Discussion about this post