Dy vëllezër shqiptarë janë dënuar me burg nga një gjykatë në Zvicër pasi janë kapur me një sasi të konsiderueshme kokaine.
Gjykata vendosi t’i dënojë me 15 dhe 13 muaj burg respektivisht, si dhe 7 vite dëbim nga Zvicra. Identitetet e tyre nuk bëhen me dije.
Mediet e huaja bëjnë me dije se shqiptarët të moshës rreth 40 vjeç kishin hyrë ilegalisht në territorin e Ticino-s ku edhe kishin nisur të zhvillonin aktivitetin e tyre kriminal.
Ata u kapën me 80 gram kokainë në masën 80% të pastër, që sipas hetuesve do të përzihej dhe do të shërbente për prodhimin e një numri më të madh të dozave.
Një sasi tjetër më e vogël kokaine iu sekuestrua gjatë kontrollit, por ata deklaruan se e kishin për përdorim vetjak.
Discussion about this post