Nga thyerja e spagetave deri te ajo e televizorit, momentet më gazmore të tifozëve deri tani në “Euro 2024” -

Kampionati Evropian 2024 nisi të premten me ndeshjen hapëse, aty ku nikoqiri Gjermania u përball me Skocinë të cilën e mposhti me rezultat të thellë 5-1.

Teksa sot (16 qershor) kemi hyrë në ditën e tretë të ndeshjeve, mund të themi se deri më tani gjithçka ka qenë në kufijtë e perfektes, si në aspektin e mbarëvajtjes së ndeshjeve e deri tek spektakli që dhuruan tifozët.

Së paku tre gola u shënuan në çdo ndeshje të luajtur deri më tani në Euro 2024, ndërsa nuk munguan as gëzimet e hidhërimet nga tabore të ndryshme të tifozëve, të cilat u shoqëruan me disa veprime që bënë bujë në rrjetet sociale.

1-Thyerja e shpagetave nga ana e tifozëve shqiptarë në sy të atyre italianë

Tw: Italianophobia

Albanian fans snapped spaghetti in front of Italian fans ahead of the Italy-Albania Euro 2024 match. pic.twitter.com/7c3c5rByOI

— kos_data (@kos_data) June 15, 2024

Mbrëmë (15 qershor) para fillimit të ndeshjes mes Italisë dhe Shqipërisë ishim dëshmitarë të një momenti qesharak.

Një tifoz i kombëtares shqiptare shihej me spageta në dorë të cilat eventualisht më pas i theu, ndërsa para tij qëndronte një tifoz i Italisë i cili i përgjërohej që të mos e kryente atë veprim.

2-Tifozët shqiptarë ia morën valles tradicionale në rrugët e Dortmundit, ndërsa atyre iu bashkuan edhe tifozët italianë

Italian fans join Albanians in traditional Albanian dance. #Euro2024 https://t.co/V7bTP6J9rG pic.twitter.com/mI8aQyaldq

— Admirim (@admirim) June 15, 2024

Një tjetër gjest që dëshmoi se futbolli i bashkon të gjithë pa marrë parasysh racën, gjininë, moshën apo shtetin, ishte momenti kur tifozëve shqiptarë që po kërcenin valle para ndeshjes, iu bashkuan edhe disa tifozë italianë.

3-Polici gjerman flet për atmosferën e krijuar nga tifozët kuqezi