Një tjetër kallëzim me të akuzuar kryeministrin Edi Rama është depozituar këtë të Hënë pranë Prokurorisë së Posaçme nga Partia Demokratike.
Në një prononcim për gazetarët, Adriana Kajala, si përfaqësuese e PD-së, tha se përveç Edi Ramës, është kallëzuar bashkëshortja e tij Linda Rama, sekretari i Përgjithshëm i kryeministrisë Ëngjëll Agaçi, ish-drejtori i Kadastrës Artan Lame dhe persona të tjerë. Sipas kallëzimit, sqaroi ajo, këta persona kanë konsumuar një sërë veprash penale, nga pastrimi i parave e deri te grupi i strukturuar kriminal.
“Shkojmë në SPAK për kallëzim ndaj Edi Rama, Linda Rama, Ëngjëll Agaçi, Artan Lame etj, lidhur me konsumimin e shumë veprave penale nga pastrimi i parave e deri te grupi i strukturuar kriminal dhe që lidhen me: Grabitjen e 5 000 m2 tokë në Surrel. Zhdukjen e 52 milionë USD nga ABI Banka 3 ditë pas dorëheqjes së Linda Ramës. Shpenzimet u udhëtimit me charter duke përfshirë edhe atë të mbrëmshmen.
Fakte të bëra publike nga Rai 3 episodi i parë – Tokë në një zonë të mbrojtur është marrë me 2 mijë lekët të vjetra për metër 2 dhe është marrë duke falsifikuar dok zyrtarë nga vjehrra e një ish-zyrtari të lartë të PS që sot është ambasador në Amerikë. Pjesë e këtij kallëzimi është veprimtaria e paligjshme e bashkëshortes së kryeministrit Edi Rama. Këto janë në të njëjtën linjë, me të njëjtin precedentë, siç është bërë dhe me tokën e bashkëshortit të ish-ministres Xhaçka”, tha Kalaja.
“Pra investohen personalisht por jo në emrin e tyre, duke futur persona të tjerë. Unë për këtë do ju bëj publike një shkresë e 2008 dhe Lindita Xhillari, sot Lindita Rama është interesuar për të njëjtën pronë, që më pas me falsifikime me ushtrim të ndikimit të paligjshëm kanë bërë tokë arë të ndarë me ligjin 7501. Sot vila në Surrel është ndërtuar në këtë pronë që është interesuar Lindita në vitin 2008”, tha Kalaja për mediat.
Ajo përmendi edhe paraqitjen e kryeminisrit Edi Rama në finalen e Ligës së Kampionëve në Londër dy ditë më parë dhe mungesën e transparencës lidhur me shpenzimet e udhëtimit.
Gati tre javë më parë, PD kallëzoi sërish në SPAK kryeministrin Edi Rama lidhur me takimin e tij elektoral në Athinë, duke e akuzuar për fonde publike të shpërdoruara dhe detyrimin e administratës për të ndjekur fizikisht kryeministrin.
Discussion about this post