Në këto momente po luhet finalja e Kupës së Italisë mes Juventusit dhe Interit dhe sfida ka tërhequr vëmendje më shumë se sa zakonisht. Kjo edhe për faktin se Juventusi rrezikon të mbyllë sezonin pa trofe, apo që Interi vjen si ekipi favorit në këtë duel, i ka dhënë një rëndësi shumë të madhe sfidës që po ndiqet me interes jo vetëm nga publiku i thjeshtë.
Mbrëmjen e sotme në stadiumin “Olimpico” të Romës, të pranishëm janë shumë personazhe të njohur të sportit e jo vetëm, të cilët po ndjekin këtë supersfidë. Mediat italiane raportojnë se duelin drejtpërdrejt në këtë takim aktualisht po e ndjekin ish-futbollistë si Toti, Kandela, Peruci, Vieri, Broki e Mauri, ish-trajneri i Italisë, Marçelo Lipi, drejtues futbolli si Branka, e Gravina por edhe prezantuesi i njohur italian Bepe Fiorelo.
Gjithashtu në tribunë është edhe një figurë e njohur për futbollin shqiptar, ish-trajneri i Tiranës, Ze Maria. Braziliani ka një të kaluar si futbollist i Interit dhe duket se është në mbështetje të zikaltërve në këtë finale.
Discussion about this post