Shqipëria duket se po ndjek shembullin e BE ku ëndërron të aderojë, duke hapur dyert për emigrantët e huaj nga Azia e Afrika, edhe nuk dihet cilat janë pasojat e sakta të kësaj përzierje të popullsisë që nxitet nga e majta liberale në Evropë.
Sipas të dhënave nga Agjencia e Punësimit dhe Aftësive, vitin e shkuar numri i shtetasve të huaj të pajisur me leje pune arriti në gati 13 mijë, një shifër ndjeshëm më e lartë se në vitet paraardhëse.
Zyrtarët e Agjencisë Kombëtare të Punësimit thonë se pjesa më e madhe e punonjësve të huajve që kanë ardhur në Shqipëri janë nga Turqia, Egjipti, Filipinet, India, Kina apo Ukraina dhe se të ardhurit punësohen kryesisht në turizëm.
Qeveria shqiptare thotë se lëvizja është “një eksperiment” dhe se kostot e mëdha të sjelljes së punonjësve të huaj subvencionohen me ulje taksash për biznesesh.
Më shumë se 3000 euro llogaritet sjellja e një punonjësi të huaj në Shqipëri duke përfshirë kostot e vizave, transportit e akomodimit.
Këta individë përfitojnë nga Bashkimi Evropian që ka disa programe dhe iniciativa subvencionesh ose mbështetje për punësimin e punonjësve të huaj në Shqipëri, sidomos në kuadër të projekteve të zhvillimit ekonomik, forcimit të sektorëve të caktuar dhe mbështetjes së integrimit të Shqipërisë në BE.
Nuk dihen pasojat afatgjata të këtyre politikave apo dëmi i mundshëm në punësimin dhe të ardhurat e vendasve.
Veç atyre që vijnë për të punuar, vitet e fundit po ka një rritje të kërkesës për leje qëndrimi edhe nga ata që thjesht duan të jetojnë në Shqipëri. Të dhënat nga Ministria e Brendshme tregojnë se vitin e shkuar pati 13 mijë e 176 kërkesa për leje qëndrimi, nga rreth 12 mijë të tilla gjatë 2023.
Pjesa më e madhe e kërkesave për leje qendrimi erdhën nga Italianët me 2 mijë e 156 të tilla ndjekur nga indianët, turqit dhe qytetarët nga Kosova.
Discussion about this post