Futbollisti i njohur i Kombëtares Shqiptare, Jasir Asani ka zbuluar më shumë detaje në lidhje me jetën, karrierën dhe suksesin e tij.
Sigurisht që përveç diskutimeve dhe pyetjeve në lidhje me sportin nuk mund të mungonin edhe pyetjet nga jeta private dhe jo vetëm…
Një futbollist që sigurisht ka spikatur me talentin e tij por si ka nisur karriera futbollistike e Jasir Asanit?
Babi ka luajtur futboll. Kur isha shtatë vjeç më bëri pjesë të ekipit të Vardarit, isha si në provë për 2-3 stërvitje dhe pastaj trajneri tha duhet të vish patjetër të fillosh me ne. Aty fillova më pas të stërvitesha me moshat. Më pas në moshën 13-14 vjeçare fillova me ekipin e parë zyrtar. Vardari është një klub me traditë dhe me emër në Maqedoni, shumë i madh.
Gjatë intervistës futbollisti zbuloi gjithashtu se pas shumë ndeshjesh me ekipin e Vardarit ai u nis për në Turqi për të vazhduar karrierën më tej por për shkak të një problemi me kontratën u detyrua të kthehej sërish.
Më pas më kanë kontaktuar nga Super Liga shqiptare. 5-6 klube dhe zgjodha Partizanin. Më mori në telefon Presidenti, e kam mik dhe është një nga më të mirë që kam takuar deri tani.
E kishte menduar ndonjëherë Asani se karriera e tij do të kishte këtë zhvillim dhe sukses?
Për Europian ndoshta nuk e kisha menduar por e kam menduar që një ditë do të iisha atje dhe do të kisha bërë gjëra të mëdha në Kombëtaren shqiptare sepse gjithmonë e kam pasur vetbesimin dhe i thoja edhe shokëve të mi që i dua vetëm 5 minuta në Kombëtare që në fëmijëri.
Si arriti të binte në syrin e Sylvinho-s?
Në Hungari kur isha pjesë e Kisvárda-s, kemi qenë në Conference League me ekipin.
Cili ka qenë goli më i bukur që Jasir Asani do të veçonte deri më tani?
Për golin më të bukur nuk mund t’i veçoj këta tre golat me Kombëtaren. Kanë qenë spektakël.
A të shkruajnë shumë vajza në rrjetet sociale?
Janë rritur goxha shumë.
Cili ka qenë komenti më i bukur ose më i veçantë që kanë bërë?
Disa tifozë që e kanë bërë nga Maqedonia “Je e bukur si një gol i Jasir Asanit”
Si është zemra e Jasir Asanit për momentin përveç se me emocionin e madh për kombëtaren?
E mbyllur.
E mbyllur se nuk pranon apo e mbyllur sepse ka një tashmë?
Ka një dhe është tiranase.
Jasir shtoi gjithashtu se nuk është pjesë e showbizit dhe që edhe mamaja e tij e këshillon që të kujdeset shumë për të dhe pse ai i ka thënë që të rri e qetë sepse ka bërë zgjedhjen e duhur.
Duke u rikthyer edhe njëherë tek sporti më tej Jasir Asani ka shtuar se aspiron të bëhet edhe kapiten i kombëtares dhe i vlerëson shumë të gjithë lojtarët për regjimin dhe rregullin që kanë. Ndërsa për trajnerin u shpreh:
Jam 28 vjeç dhe nuk kam takuar njeri më të mirë se ai. Shumë i thjeshtë, çdo gjë e bën perfekte dhe tek kombëtarja nuk është vetëm si trajner por edhe si lojtar. Në stërvitje bashkohet me ne, bën shaka. Të jep kurajo shumë. Të respekton maksimalisht. Unë e kam thënë që falë tij jam në kombëtare.
Po me presidentin Duka si janë raportet?
Presidenti është gjeneral, një njeri që ka bërë shumë për futbollin shqiptar. Kam pasur marrëdhënie shumë të mira edhe më para kur nuk isha pjesë e kombëtares. Kemi folur shpesh dhe është një njeri që po na rri afër për çdo gjë që ka nevojë kombëtarja. Bëri një kompleks, më i miri në Ballkan mund të them.
Discussion about this post