Bedrie Loka, nënë e 4 fëmijëve u vetëvra duke pirë fostoksinë disa ditë më parë në Sukth të Durrësit.
Një ditë më pas policia arrestoi bashkëshortin e saj Bedri Loka, i cili dyshohet ta ketë shtyrë 41-vjeçaren drejt vetëvrasjes përmes dhunës sistematike fizike dhe psikologjike.
Gazetari Milaim Zeka tha në emisionin Now në Euronews Albania se shkaktarët kryesorë të vrasjes së grave në Shqipëri dhe Kosovë janë policët, prokurorët dhe gjykatësit meshkujt.
Sipas tij, mosfunksionimi i sistemit ka çuar në normalizimin e dhunës ndaj grave shqiptare.
“Nuk shoh asnjë ngjashmëri mes rastit të Liridonës dhe Bedries, rasti i parë ka të bëjë me një para organizim për ta vrarë. Fajtor kryesor për vrasjen e Bedries dhe shumë fermave të tjera në Shqipëri dhe Kosovë janë hetuesit policorë, prokurorët, meshkuj dhe gjykatësit meshkuj. Habitem se si edhe figura publike në Shqipëri bëjnë thirrje për mbylljen e Tik-Tok dhe nuk kërkojnë mbylljen e programeve televizive që prodhojnë nga mëngjesi në darkë”, tha Zeka.
Discussion about this post