Tre ditë më parë në Ekuador u vra shqiptari, Arjanit Rizai 53 vjeç. Mbi të u qëlluan 9 herë me një armë zjarri 9 mm, ndërsa viktima ndodhej shumë pranë një spitali ku priste bashkëshorten e tij, e cila kishte shkuar për të vizituar babain e saj të shtruar në spital.
Në të njëjtën ditë, pra 9 shtator, autoritetet turke, arrestuan në Stamboll, në një vilë luksoze, shqiptarin më të kërkuar në Botë, Dritan (Gramoz) Rexhepi. Ky i fundit kishte pak kohë që ishte zhvendsor në Turqi, teksa informacionin për arrestimin e tij autoritetet turke e morën nga shërbimet inteligjente italiane.
Lidhur me dy ngjarjet, në një intervistë për Euronews Albania, ka folur ish-prokurori Mario Mario Pazimo, i cili për një kohë të gjatë ka kryer hetime në Ekuador.
Ai tha se në Ekuador po zhvillohet një operacion i koduar “Ballkani”, duke shtuar se në këtë operacion janë të përfshirë dhe shqiptarë.
Mes të tjerash ai nënvizoi se deri më tani nuk ka një numër të saktë se shqiptarë janë në Ekuador.
“Ka një investigim që po zhvillohet, por pjesa e mirë e tyre është duke u zhvilluar me një operacion të rëndësishëm që quhet operacioni “Ballkani”. Të dy këto persona janë të lidhur me këtë temë. Në fakt nuk kemi një numër të saktë se sa shqiptarë janë në Ekuador. Është shumë e vështirë të kemi një regjistër të lidhur me migracionin. Mendoj se ka një proces investigues dhe nuk më pëlqente që të dilja paraprakisht me një mendim”, tha ai.
Përsa i takon arrestimit të Dritan Rexhepit, pazimo tha se aktiviteti i drogës nga grupi i tij do të vazhdojë dhe pse ai është në burg, pasi në mënyrë të tillë ka të ndërtuar strukturën.
“Fakti që kanë qenë të dy së bashku në të njëjtin burg. Në burg ka një numër shumë të madh organizatash që mund të jenë dhe në kundërshtim me njëra-tjetrën. Kjo mund të kishte sjellë dhe përplasje mes tyre. Ka 5-6 vite që krijohen përplasje në burgje. Dhe pse është arrestuar Dritan Rexhepi, grupi do të vijojë të funksionojë sepse kushtet në Ekuador, për penetrimin e këtyre organizatave kriminale janë shumë të thjeshta. Në vend përdoret dollari, ka kufij që nuk janë të mbyllur. Ti mund të ndryshosh vetëm identitetin tënd. Të gjitha këto karakteristika do të sjellin jo vetëm mafien shqiptare por një numër të lartë mafie të tjera”, tha ai.
Mediat ndërkombëtare kanë raportuar në jo pak raste se ndikimi i mafies shqiptare në tregtinë e kokainës ka ardhur duke u rritur, ku shqiptarët luajnë një rol të rëndësishëm në tregtinë e drogës në Amerikën Latine.
Sipas Policisë së Shtetit Shqiptar, shtrirja e grupeve kriminale shqiptare në Evropë dhe Amerikën Latine ka sjellë rritjen e masave parandaluese dhe goditëse.
Kontrolli i mafias shqiptare mbi tregtinë e drogës në Mbretërinë e Bashkuar është një dëshmi e ndikimit të tyre në ekonominë globale të narkotikëve. Efekti shqiptar ka formësuar thellësisht përdorimin, prodhimin dhe ekonominë e kokainës në MB. Bandat shqiptare kanë treguar se është e mundur të dominosh tregjet e drogës pa u lakmuar, duke ofruar çmime të qëndrueshme dhe produkte cilësore.
Kontrolli i mafias shqiptare mbi tregtinë e kokainës në Evropë është shtrirë edhe në Amerikën Latine.
Lidhja shqiptare në valën e krimit të Ekuadorit është një dëshmi e këtij ndikimi. Kontrolli i mafias shqiptare mbi portet e Evropës ishte vendimtar për suksesin e tyre, pasi ata kishin nevojë të bashkëpunonin me ‘Ndrangheta, më e fuqishmja dhe më e globalizuara e mafias italiane, e cila kontrollon tregtinë e kokainës në Evropën kontinentale.
Në Peru, e cila është larg Shqipërisë, tregtia mes dy vendeve ka lulëzuar vitet e fundit.
Ndikimi i mafies shqiptare në ekonominë globale të narkotikëve është i rëndësishëm dhe kontrolli i tyre mbi tregtinë e kokainës në Evropë është shtrirë edhe në Amerikën Latine.
Discussion about this post