Ish-futbollisti i njohur turk, Hakan Shukur, u detyrua të largohej nga vendi i tij, pasi akuzohej se ka mbështetur një organizatë të cilësuar si terroriste që njihet si FETO.
Ai u bë i famshëm në disa prej klubeve me të njohura turke si Galatasaray, ndërsa së fundmi ka thënë se i morën gjithçka që ndërtoi, duke fajësuar presidentin Rejep Tajip Erdogan.
“Situata ime është shumë e vështirë. Më morën gjithçka, pothuajse gjithçka që kisha dhe investova në Turqi”,– u shpreh Shukur në një intervistë për ‘’Sportweek’’.
Ndërsa pasuritë e tij janë ngrirë prej vitesh sepse foli publikisht kundër regjimit të Erdoganit. Tashmë Hakan Shukur ndodhet në Kaliforni ku hapi një furrë buke me specialitete turke dhe filloi të punonte si shofer taksie.
“Erdogan fillimisht më kërkoi të bashkohesha me partinë e tij për të marrë më shumë vota, dhe më pas më ktheu në armik të shtetit sepse nuk ndaja pikëpamjet e tij. Ata më morën gjithçka, më dëbuan familjen, arrestuan babanë tim… Të gjithë të cilët ngritën zërin dhe kërkuan demokracinë tani po e paguajnë çmimin.
Unë u them futbollistëve të mos protestojnë sepse do të përfundojnë si unë dhe nuk do të mund të kthehen më në Turqi”,- tha ish-sulmuesi.
Ai ka dhe një kërkesë për miqtë e tij në Itali: “Nëse dikush është i guximshëm për të më dhënë një shans, do të thoshte shumë për mua’’.
Ai ka luajtur edhe me Torinon, Interin, Parmën dhe Blakburnin në Angli, por askund nuk la gjurmë si në Stamboll, ku zhvilloi 112 ndeshje për Turqinë dhe shënoi 51 gola./K.T/Gijotina.com
Discussion about this post