Cubi Metkaj ditën e sotme ishte e ftuar në emisionin “Abc e Pasdites” me moderatorin Ermal Peçi teksa ka treguar përvojën e rikthimit në teatër pas shumë vitesh. Gjatë bisedës në studio ajo është shprehur se shfaqja “Kukulla” do të vazhdojnë këtë javë për shkak të pritjes pozitive nga publiku.
Lidhur edhe nga subjekti i “Kukulla”, Ermali e pyet nëse kjo ishte një shfaqje që do të shkundte publikun. Aktorja tha se “ne nuk kemi ndryshuar aspak në koncepte, në mentalitet ne jemi njësoj. Po të dalësh jo shumë larg metra njerëzit kanë mbetur ende me botëkuptime të tilla”.
Nga ana tjetër, Ermali sërish e ka pyetur nëse vazhdon të shihet goca dhe gruaja ende si pronë, si kukull dhe nëse ajo vet ka pasur ngacmime seksuale në karrierën e saj.
“Të themi jo do gënjej. Ne e dimë shumë mirë që në botën e showbizz këto ndodhin, qoftë dhe në teatër. Ty të vjen regjisori me propozim të caktuar dhe fillon komplimentet shkojnë më tej e më tej. Unë jam tip që nuk e kam lejuar dhe kam thënë stop deri këtu, por që ndodh dhe mua më ka ndodhur.”
Së fundmi, ajo shtoi se i është përgjigjur duke i thënë se nuk bën pakt me Cubin për këtë gjë dhe sigurisht që kjo ka ndikuar në prishjen e shumë projekteve.
Discussion about this post