Personi që shihni në foto është Flori Beqiraj, i cili është arrestuar nga policia e Kosovës pasi ka ngacmuar seksualisht dhe ka dhunuar alpinisten Mrika Nikiqi.
Lajmi është konfirmuar për gazetën e Ekspress.
Nikçi përmes një video të publikuar në Facebook shfaqi momentin kur ajo sulmohet seksualisht. Ajo ka njoftuar se ky sulm ka ndodhur në qytetin e Pejës, më 27 shtator, 2022.
“Shokë e shoqe, po ju njoftoj për një rast i cili me ka tmerruar plotësisht! Me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer me paramendim nga personi F.B, anëtarë i një familje të njohur në qytetin e Pejës”, ka shkruar ajo.
Ndaj Flori Beqirajt është caktuar masa e paraburgimit prej 48 orësh si i dyshuar për veprën penale “sulm seksual”. Ndaj tij, Prokuroria Themelore në Pejë pritet të bëjë kërkesë për caktimin e masës së paraburgimit në Gjykatën Themelore në Pejë.
Ngjarja e rendë ka ndodhur mbrëmjen e 27 shtatorit në një nga rrugët e Pejës. Siç shihet edhe në videon e publikuar nga alpinistja Mrika Nikçi ai e ka ndjekur nga pas deri sa ka gjetur momentin për ta ndaluar. Pamjet e rëndë tregojnë se autori ni dyshuar, Flori Beqiraj e ngacmon seksualisht të renë. Sikur të mos mjaftonte kjo ai më pas e qëllon dhe e dhunon. Nikçi ja del që t’i shkëputet nga duart për një moment dhe mundohet ta qëllojë për t’i shpëtuar. Pasi sheh disa kalimtarë në rrugë ai largohet.
Discussion about this post