Ngacmoi seksualisht dy 14-vjeçare, arrestohet një person në Korçë

Një 59-vjeçar është arrestuar nga policia në Korçë për ngacmim seksual.
Dyshohet se personi në fjalë ka ngacmuar dy 14-vjeçare. Sipas burimeve ato kanë lajmëruar familjarët e tyre, ku këta të fundit kanë bërë denoncimin në polici. Uniformat blu më pas kanë bërë arrestimin në flagrancë të 59-vjeçarit i cili është shoqëruar në komisariat.

Ende nuk dihet se çfarë ka deklaruar në polici, por pritet që të ketë më tepër informacione në orët në vijim. Burimet tregohen të rezervuar për shkak se ngjarja në fjalë është në proces hetimi.