Drejtoria e Vendore e arsimit parauniversitar të Korçës ka vendosur të pezullojë nga detyra drejtorin Adriatik Haxhillari, i cili akuzohet nga dy 14 -vjeçare për ngacmim seksual. Nga inçizimet dhe mesazhet e publikuara dy të miturat në shkollën 9-vjeçare “Stropckë”, Pogradec akuzojnë drejtorin se i ka ngacmuar seksualisht gjatë orës së mësimit dhe me mesazhe kur ato shkonin në shtëpi.
Deri në përfundim të hetimeve që po kryhen ndaj tij, ai do të jetë i pezulluar. Ndërkohë pritet që ditën e nesërme i akuzuari të paraqitet pranë gjykatës për masën e tij të sigurisë. Në nëntor ka shtetasi Adriatik Haxhillari ka rënë në pranga, pasi akuzohet se ngacmoi për më shumë se një muaj dy nxënëset e tij. Dy vajzat e mitura treguan se drejtori u ka bërë shenja gjatë mësimit, si dhe u ka dërguar mesazhe ngacmuese në orët natës.
Gjyshja e njërës nga të miturave, rrëfen se vajza kishte vënë në dijeni edhe kujdestaren e klasës lidhur me mesazhet, por që nuk ishin marrë masa. “Ne atë ditë nuk e dinim fare, çupën e kishin marrë e kishin çuar në Pogradec. Ne nuk e dinim pastaj erdhën na thanë që çupa shkoi në Pogradec. Nuk e di çfarë i shkruante, por llafe turpi. Kishte dy javë që shkruante me çupën. Vajza na tregoi pastaj. Prindërit i ka në Greqi, ne kujdesemi për të. Shkuam Shkuan bashkë në komisariat me çupën tjetër dhe babain e asaj. Dje na thirrën edhe djalin. Ne nuk dalim dot përjashta për çupën. Shteti e di, ata njerëz që bëjnë këto gjëra, ta varin. Ka 3-4 vjet drejtor në këtë shkollë ndërsa çupa ka dy vite se ishte në Tiranë”, tregon gjyshja.
Ka qenë vëllai i saj që ka bërë publike këtë ngjarje pasi kur ka parë mesazhet ka shkuar në shkollë dhe ka goditur drejtorin, më pas janë publikuar mesazhet dhe disa video. E.H/Gijotina.com/
Discussion about this post