Çdo ditë raportohen raste të shumta pedofilie në vendin tonë dhe sidomos në qytetet e mëdha. Ditën e sotme Policia e Durrësit ka vënë në pranga një 58-vjeçar, pasi dyshohet se ka përndjekur dhe ka ngacmuar seksualisht një të mitur 13- vjeçare. Policia bën me dije se i arrestuari po merret në pyetje dhe se akuzohet për veprat penale “Ngacmim seksual” dhe “Përndjekja”.
Nga ana tjetër janë prindër dhe psikologët ata që ngrenë alarmin për shtimin e rasteve të pedofilisë në vendin tonë. Vetëm ditën e djeshme janë arrestuar katër persona për ngacmim seksual ndaj të miturave. Por, ka dhe nga ato raste, ku të miturit refuzojnë të denoncojnë, siç është rasti i një 34-vjeçari nga Tepelena, i cili ka përfunduar në prangat e Policisë pas denoncimit të familjarëve të një vajze 17-vjeçare, por kjo e fundit nuk ka pranuar ta denoncojë.
Vitit 2021 ka shënuar një rekord të ri të rasteve të pedofilisë, pasi të dhënat e raportuara nga institucionet përgjegjëse tregojnë se në 9-mujorin e fundit në të gjithë vendin janë evidentuar 102 raste të krimeve seksuale, 35 raste janë ngacmime seksuale ndaj të miturave. Për kryerjen e veprave të turpshme janë evidentuar 18 raste. Më të prekurit kanë qenë të miturit dhe minorenët.
Discussion about this post