Policia italiane arrestoi një shtetas me origjinë senegaleze pasi tentoi të sulmonte seksualisht një grua shqiptare. Lagazzettadilucca shkruan se gjatë aktivitetit brenda sportelit të zyrës së emigracionit në Komisariatin e Policisë, punonjësit e policisë të punësuar kanë kuptuar se në dhomën e pritjes shtetasi po ngacmonte një grua me kombësi shqiptare, duke i kërkuar me ngulm ta ndiqte në tualet.
Kur gruaja refuzoi kërkesën e tij, burri e kapi me forcë për dore duke u përpjekur ta tërhiqte zvarrë në dhomat e tualetit.
Policia e pranishme ka ndërhyrë në mbrojtje të gruas së sulmuar. Shtetasi senegalez u arrestua dhe iu nënshtrua masës së arrestit shtëpiak në dispozicion të organit gjyqësor kompetent.
Shtetasi nga Senegali gjithashtu bëri rezistencë ndaj efektivëve gjatë momentit të arrestimit.
Discussion about this post