Është zbardhur dëshmia e Skerdi Tasit në polici, i cili është arrestuar si autori i dyshuar i të shtënave me armë në drejtim të Lulzim Mashës, pronarit të një shkolle private.
Mësohet se në dëshminë e tij para policisë, Tasi ka deklaruar së kishte ngatërruar shënjestrën. Ai rrëfen se ka pasur konflikt me një person që kishte makinën e njëjtë si Masha, ndaj nxori armën për ta qëlluar. Pasi zbuloi se ishte person tjetër, u largua me vrap, hodhi armën në Liqen dhe mori një fugon për të udhëtuar drejt Fierit.
Ndërsa mohoi njohjet me Lulzim Mashën, ai tha se armën e zjarrit e kishte në banesën e tij në qytetin e Levanit që prej trazirave të vitit 1997. Kujtojmë se, ngjarja ndodhi më 18 janar, rreth orës 09:40 pranë Liqenit Artificial të Tiranës, ku makina e Mashës u qëllua me breshëri, por fatmirësisht pa pasoja për këtë të fundit.
Discussion about this post