Tragjedi në Itali: Vdes gruaja shqiptare, burri dhe motra mes jetës dhe vdekjes

Një aksident tragjik është shënuar në Itali, ku një 62-vjeçare shqiptare ka humbur jetën. Viktima është identifikuar si Merita Qemali.

Ngjarja ndodhi në mesnatën e së martës në Autostradën A14. Qemali po udhëtonte me një Ford station wagon drejt Chiaravalle, së bashku me partnerin e saj 49-vjeçar, djalin 10-vjeçar të këtij të fundit dhe motrën e saj 47-vjeçare. Ata po ktheheshin nga pushimet e Pashkëve në Siçili.

Automjeti i tyre u përplas me një kamion në tunelin Montedomini, mes Ancona Sud dhe Ancona Nord, pak para daljeve për Castelferretti dhe Chiaravalle. Familja ishte vetëm pak minuta larg shtëpisë kur ndodhi aksidenti.

Sipas raportimeve, kamioni, i drejtuar nga një grua rumune, lëvizte me shpejtësi të ulët për shkak të një gome të shfryrë. Përplasja rezultoi tepër e fortë, duke shkatërruar plotësisht pjesën e përparme të mjetit.

Dy nga pasagjerët mbetën të bllokuar në automjet dhe u nxorën nga forcat zjarrfikëse. Shoferi 49-vjeçar iu nënshtrua një operacioni në spitalin e Torrette dhe ndodhet në gjendje kritike. Po ashtu, edhe motra e viktimës është operuar dhe mbetet në gjendje të rëndë.

Ndërkohë, fëmija 10-vjeçar ndodhet jashtë rrezikut për jetën. Autoritetet po hetojnë për të zbardhur rrethanat e plota të aksidentit, ndërsa mbetet ende e paqartë nëse kamioni kishte dritat e ndezura apo nëse mund të ishte ndalur në mënyrë të sigurt përpara hyrjes në tunel.

gijotina.com/

Etiketa: aksidenti Itali Kryesore1

Tragjedi në Itali: Vdes gruaja shqiptare, burri dhe motra mes jetës dhe vdekjes

Lajme të lidhura

“Liria ka emër”, Dua Lipa reagon pas vendimit të Hagës për ish-krerët e UÇK-së: Askush nuk mund ta njollosë luftën për liri

E rëndë në Sarandë! Plagosen 3 persona brenda një qendre tregtare, dy prej tyre janë vëllezër (Emrat)

Të luftosh për mbijetesë! Punësimi i pensionistëve dyfishohet në tre vitet e fundit

Ilir Meta mbetet në qeli, Kushtetuesja: Nuk shqyrtojmë mënyrën e arrestimit

Discussion about this post

TË FUNDIT

“Liria ka emër”, Dua Lipa reagon pas vendimit të Hagës për ish-krerët e UÇK-së: Askush nuk mund ta njollosë luftën për liri

Këmbimi valutor 17 Shtator, me sa shiten dhe blihen sot monedhat e huaja

E rëndë në Sarandë! Plagosen 3 persona brenda një qendre tregtare, dy prej tyre janë vëllezër (Emrat)

Të luftosh për mbijetesë! Punësimi i pensionistëve dyfishohet në tre vitet e fundit

110 ditë revoltë! Qytetarët paralajmërojnë protestë para parlamentit: Koha për mosbindje civile

KONTAKT

Harta e Faqes