Një ngjarje e rëndë është regjistruar këtë të enjte në zonën e Liqenit të Thatë në Tiranë, ku 46-vjeçarja Migena Topi dyshohet se ka humbur jetën pasi është vetëhedhur në ujë.
Sipas informacioneve paraprake, policia është njoftuar nga banorët e zonës pasi një automjet kishte bllokuar rrugën dhe kishte qëndruar i parkuar për rreth 30 minuta.
Efektivët mbërritën në vendngjarje dhe, pasi nuk gjetën drejtuesen e mjetit, kontrolluan pamjet e kamerave të sigurisë. Nga verifikimet dyshohet se 46-vjeçarja kishte lënë automjetin pranë liqenit dhe më pas ishte larguar në këmbë.
Brenda makinës janë gjetur sende personale, telefoni celular dhe disa ilaçe. Sipas burimeve, gruaja dyshohet se vuante nga depresioni.
Nga pamjet e kamerave të sigurisë rezulton se pas largimit nga automjeti, ajo ka qëndruar në zonë për rreth 10 minuta dhe më pas ka hyrë në ujë, ku ka humbur jetën.
Polumbarët kanë nisur kërkimet në zonë dhe pas rreth 45 minutash kanë arritur të gjejnë dhe të nxjerrin trupin e pajetë të 46-vjeçares.
Sipas informacioneve të bëra publike, gjendja e saj psikologjike ishte përkeqësuar pas humbjes së motrës. Migena Topi la pas një vajzë 20-vjeçare.
Policia vijon hetimet për zbardhjen e plotë të rrethanave të ngjarjes.
gijotina.com/
Discussion about this post