Një ditë pas ngjarjes së rëndë, detaje të reja janë zbardhur lidhur me 25-vjecarin që u gjet i pajetë në rezervuarin e Gjançit, Fridman Xhaferraj. Referuar burimeve nga policia, mësohet se po hetohet në dy pista, ku kryesorja është ajo e prishjes së pazareve të drogës, por që nuk përjashtohet as pista e vrasjes për motive banale.
Sipas burimeve, viktima është gjetur i lidhur nga duart, në momentin që ka dalë në sipërfaqe të rezervuarit. Në bazë të informacioneve, ai njihej si person problematik nga Policia e Fierit dhe e Lushnjes, si përdorues i lëndëve narkotike.
Kujtojmë se ditën e djeshme, në trupin e 25-vjeçarit janë konstatuar shenja dhune në trup e kokë, çka dëshmonte se i riu para se të hidhej në ujërat e rezervuarit të Gjençit është dhunuar deri në vdekje diku tjetër.
