Gazmir Ngota, një nga të arrestuarit për vrasjen e Menduh Shaban Kurt-Dedës ka pranuar autorësinë e krimit të rëndë. Në rrëfimin para grupit hetimor, ai ka treguar se krimin e rëndë, marrjen peng, dhunimin e djegien për së gjalli të 61-vjeçarit e ka bërë në bashkëpunim me Besmir Karajn, i cili është shpallur në kërkim dhe dyshohet se fshihet në Itali.
Ngota ka treguar gjithashtu se mes Karajt e nënës së tij, Marjeta Karaj ka pasur shkëmbime telefonatash gjatë ngjarjes.
“Ishim bashkë me Besmirin në zonën e Xhamllikut. Pamë rastësisht viktimën në rrugë. Besmiri mori në telefon mamane e tij dhe i tregoi. Më pas shkuam në një parking në zonën e Alliasit së bashku me viktimën, ku na priste Marjeta. Aty ajo i kërkonte paratë, por viktima thoshte se nuk i ka lekë borxh. Besmiri e dhunoi rëndë, e më pas e dërgoi në zonën e Kodër-Shupalit, ku Besmiri e leu me benzinë dhe i vuri flakën,”- thotë Ngota.
Por, Marjeta Karaj nuk pranon krimin e kryer, pavarësisht se grupi hetimor ka siguruar mjaftueshëm prova dhe dëshmi që e lidhin atë me vrasjen e vitit 2017. Marjeta Karaj punonte ne një shoqatë se bashku me viktimën, me të cilin kishte dhe një lidhje intime. Dyshja kishin hapur një shoqatë bamirësie dhe Karaj i kishte dhënë 1 milionë lekë të reja borxh viktimës, por ai nuk ia ka kthyer. Madje prej kohësh, fshihej prej saj dhe të birit.
Kështu, ata vendosën ta merrnin peng, ta dhunonin e ta vrisnin. Por, krimi u zbardh pesë vite më vonë.
Discussion about this post