Kryedemokrati, Sali Berisha, ka reaguar në lidhje më ngjarjen e tmerrshme që ndodhi sot në Himarë, ku një fëmijë u përplas për vdekje nga një motoskaf. Teksa e cilëson këtë ngjarje si një krim të tmerrshëm, Berisha shprehet se këto ndodhin për shkak të mungesës së sigurisë në plazhe. Ai shprehet se dënon këtë akt, aq më keq të kryer nga një polic.
“Siguria në plazhe ZERO! Për ligjin nuk pyet njeri. Krim i tmerrshëm! Skafisti, shef policie në Elbasan, A. Tase merr jetën e një fëmije 5 vjeç në det, në Himarë .I shpreh ngushëllimet më të ndjera familjes për engjëllin që humbi. Dënoj me forcën më të madhe këtë krim të tmerrshëm nga ata për të cilët ligji nuk ekziston. Dënoj gjithashtu mungesën e plotë të sigurisë në plazhet tona”, shkruan ai. Ndërsa ka kërkuar masa më të ashpra ndaj Tases.
Discussion about this post