Drejtoresha e Agjencisë për Mbrojtjen e Fëmijëve, Alma Tandili, ka folur ditën e sotme për ngjarjen e tmerrshme që ndodhi në Kamëz, ku babi ka dhunuar dhe abuzuar seksualisht me vajzën e tij 6-vjeçare. Përmes një interviste televizive ajo ka deklaruar se, se një rast i tillë çnjerëzor, po verifikohet nga të gjitha institucionet.
“Vajza po rrezikon jetën, bëhet fjalë për herë të parë për një fëmijë të dhunuar nga babai në Shqipëri, që po rrezikon jetën. Është dhunë seksuale, fizike, psikologjike, shkelje e rëndë e të drejtave të njeriut, në këtë rast të fëmijëve. Është rast i rëndë për mënyrën se si ke vepruar babai me vajzën, jo vetëm të turpshme, por futtë te tortura, nuk po flas për mënyrën e penetrimit, ajo do të verifikohet, por edhe kafshimi, futet te pjesa e dhunës seksuale të pastër, është e dukshme në shenjat trupore, dhunë seksuale të paprecedent”, tha ajo.
Sipas Tandilit, rasti, të bën të kujtosh se jetojmë dikur në viset primitive të Amazonit, ku megjithatë mbijeton instinkti, që dallon njeriun nga kafsha. Sakaq, ajo kërkoi që të bëhen ndryshime ligjore, për të ndëshkuar rast të tilla.
“Kemi analizuar dhe nuk po gjejmë një rast të ngjashëm me rastet e mëparshme. Ajo çfarë na bën neve më të zëshëm, këtu futet pjesa jo ligjore, por humane, dhe ky rast duhet bëhet shembull ligjor, që kush dhunon një fëmijë të vogël, të merren masa të ndëshkimit, në mënyrë që kush ta dëgjoj më pas, ti bëhet e ditur se ky është krim çnjerëzor, dhe nuk është normal një gjë e tillë. Ajo që po vërehet përditë e më shumë është se po pranohet një dhunë e pranueshme në familje. Kjo nuk është dëgjuar as në viset më primitive të Amazonit, edhe kafsha që është kafshë, ka instinktin për të mbrojtur, prandaj nuk po bëjmë dot një lidhje, si është e mundur një dhunë e tillë”, u shpreh ajo,
Drejtoresha Tandili, thotë së nëse verifikohen se të dy prindërit kanë abuzuar njëri me aktin, dhe tjetri duke mos e raportuar dhunën, do të shihet edhe mënyra e heqjes së kujdestarisë së vajzës.
Discussion about this post