Lëvizja Socialiste për Integrim ka reaguar sot në lidhje me ngjarjen e rëndë që ndodhi në Krujë, ku mbeten të helmuar 370 qytetarë për shkak të ujit që konsumonin. Përmes një postimi në rrjetin social Facebook nënkryetari i LSI, Petrit Vasili, është shprehur se kjo ngjarje është alarm për Inspektoratin Sanitar në vend që nuk bënë si duhet punën e tij. Vasili thotë se çdo ditë e më shumë po dalin fakte që shtetit dhe institucionet vartëse nuk kryejnë punën që iu takon.
“Kruja në hall të madh, po ku është zhdukur Inspektorati Sanitar?! Emergjenca shëndetësore patjetër është më kryesorja pa asnjë diskutim. Por është shumë e rëndë gjithashtu, që shteti nuk ekziston më si kontrollues dhe monitorues i ujit te pijshëm dhe të gjithë objekteve që lidhen më të”, tha ai.
Sipas Vasilit, është e turpshme që ata të cilët janë përgjegjës për cka ndodhi nuk kanë dalë në ansjë reagim, madje janë zhdukur dhe kanë lënë qytetarët në mëshirë të fatit. Ai shprehet s ekëto trafgjedi ndodhin në vendin tonë pasi institucionet nuk respektojnë ligjin.
“Po ku është zhdukur Inspektorati Sanitar, kush e drejton, perse nuk ka zë ky inspektorat? Çfarë ka kontrolluar Inspektorati? Cila është situata sanitare e ujësjellësit të inauguruar vetëm pak muaj me parë nga kryeministri? Ku janë raportet e përditshme te monitorimit të ujit të pijshëm? Pse situata u la tërësisht jashtë kontrollit? Asgjësimi i të gjitha institucioneve të ngarkuara me ligj dhe asgjësimi i funksionimit të ligjit është FAKT. Pasojat ranë te gjitha mbi qytetarët. Po prokuroria ku eshët zhdukur? Qytetarët janë lëne përfundimisht nga rilindja në mëshirë të fatit dhe të antiligjit”, shkruan ai.
Pak orë më parë për këtë ngjarje ka reaguar edhe Partia Demokratike , e cila i ka kërkuar institucioneve të drejtësisë që të veprojnë, pasi këto janë raste alarmante që përgjegjësit nuk duhet të shpëtojnë.
