Flakët e zjarrit në banesën në zonën e ‘Ali Demit’ në Tiranë të cilat morën jetën e foshnjës 6-muajshe, nisën në bodrum. Dyshohet se zjarri ka shpërthyer nga bombola që përdorej për gatim.
Në momentin e ngjarjes në banesë ka qenë vetëm gjyshja bashkë me foshnjën ndërsa nëna nuk ndodhej në shtëpi. E moshuara mundi që të dalë nga banesa në momentin që ka konstatuar flakët, ndërsa foshnja mbeti mes tymit derisa mbërriti zjarrfikësja.
Gjyshja që ndodhej në banesë me foshnjën 6-muajashe që humbi jetën, mësohet se ka kërkuar ndihmë nga fqinjët fillimisht pasi është përballur me situatën e frikshme. Kujtojmë se, e moshuara ka qenë duke gatuar në bodrum në momentin që bombola ka shpërthyer në flakë. Zjarri ka filluar të përhapet dhe e moshuara ka dalë të kërkojë ndihmë duke lënë foshnjën brenda.
Fqinjët kanë njoftuar zjarrfikësen që ka ardhur në vendin e ngjarjes. Ata arritën që ta nxirrnin beben gjallë, por ndërroi jetë në spital. Gjyshja dhe dy zjarrfikës gjithashtu kanë përfunduar në spital gjithashtu.
Lidhur me ngjarjen e rëndë, ishte ndërhyrja e dy forcave zjarrfikëse ato që bënë të mundur që foshnja mundi të dalë e gjallë nga banesa, por humbi jetën në spital për shkak të asfiksisë nga tymi i shumtë.
Discussion about this post