Reagime të shumta ka pasur pas ngjarjes së rëndë që ndodhi mesditën e së martës në Potam të Himarës, ku komisari i policisë Arjan Tase vrau me skaf një vajzë të mitur. Disa prej tyre janë rreshtuar në të njëjtën linjë me kryeministrin Rama, i cili ka thënë se sigurua në plazhe është më lartë se kurrë, por aksidente të tilla mund të ndodhin kudo.
Në këtë logjikë ka folur sot edhe Dritan Hila, ish-zv.ministër i Mbrojtjes në një nga Qeveritë e Rilindjes, i cili sot drejton një portal. Në një video të publikuar në rrjetin e tij social, ai ka thënë se këto ngjarje ndodhin kudo në botë, pasi kështu është jeta në ujë. “Ndodhin kudo në botë, ndodhin se e tillë është jeta në ujë, nuk ka polic dhe sinjalistikë”, thotë Hila.
Ndërsa, kryeministri Edi Rama me gjuhën e përdorur duket se ka irrituar edhe më shumë qytetarët, pasi akuzon mediat për lajmet që përcjellin rreth kësaj tragjedie.
Discussion about this post