Lumturi Zeqja, daja i sulmuesit të Partizanit, Xhuljano Skuka, humbi jetën në sy të miqve të tij pas një sherri në lindje të Londrës.
27-vjeçari u vra në përpjekje për të mbrojtur një mik të tij gjatë një përleshje në rrugë Church Lane. Ngjarja ndodhi rreth orës 23:00 të mbrëmjes së të dielës.
Sipas mediave britanike, pamjet shokuese tregojnë miqtë e të riut që i luten të mos vdesë dhe të vazhdojë të marrë frymë, ndërsa Lumturi Zeqja qëndron i shtrirë pa shenja jetë para një bari, ndërkohë që mjekët tentojnë ta mbajnë në jetë. Ai vdiq tragjikisht në vendin e ngjarjes.
Sulmuesi i Partizanit, Skuka, golin e realizuar në ndeshjen e sotme ndaj Teutës, ja dedikoi dajës së tij. Në momentin e shënimit, futbollisti i Partizanit, hoqi fanellën, teksa poshtë saj kishte foton e dajës të ndjerë, ndërkohë që drejtoi gishtat lartë nga qielli. Lumturi Zeqja jetonte në Londër prej 13 vitesh pasi ishte shpërngulur nga Shqipëria.
Discussion about this post