Gazetari Artan Hoxha ka bërë një deklaratë të fortë. Sipas tij, një tjetër shqiptar është zhdukur dhe nuk ka kontakte me rrethin e tij të ngushtë. Hoxha shprehet se personi në fjalë ka qenë në Ekuador kur ka ikur pa lënë gjurmë.
I ftuar në “Abc”, Hoxha tha se për momentin nuk është bërë asnjë ‘zhurmë’ lidhur me zhdukjen e shqiptarit, por që shumë shpejt do të zbardhen më shumë detaje, si identiteti apo grupi në të cilin bënte pjesë ai. Hoxha shtoi se është interesuar pranë autoriteteve për detaje, por shqiptari nuk u përgjigjet më telefonatave e asnjë lloj mënyre kontakti.
“Ka humbur dhe një person tjetër. Një tjetër personazh që mendohet se ka humbur në Ekuador. Është një ngjarje e freskët. Është zhdukur pa gjurmë. Jam interesuar në Quito, në Guayaquil, ky person ka qenë në Ekuador për herë të fundit. Ka qenë dhe në Shqipëri dhe më pas ka ikur. Është zhdukur dhe nuk ka asnjë kontakt me askënd,”- tha Hoxha.
Discussion about this post