Ngjarje e rëndë/ Digjet banesa në Lushnje, ndërron jetë i moshuari

Digjet një banesë në fshatin Bubullimë të Lushnjes, ku si pasojë e zjarrit ka ndërruar jetë një i moshuar.

Mësohet se në banesë jetonte një çift të moshuarish, dhe për pasojë Koli Koçi, 82 vjeç, raportohet se ka ndërruar jetë. Fatmirësisht është shpëtuar gruaja e tij, Kristina.

Pasi janë sinjalizuar për rastin, shërbimet e zjarrfikëses kanë shkuar në vendin e ngjarjes dhe kanë bërë të mundur shuarjen e flakëve.

Siç shihet nga pamjet zjarri ka ‘përpirë’ gjithçka.

Nuk dihen ende motivet e rënies së zjarrit.

Dyshohet se shkak i zjarrit është bërë një shkëndijë elektrike, megjithatë Policia e Lushnjës ka nisur hetimet.