Një ngjarje e rëndë është regjistruar pasditen e kësaj të hëne në Gjirokastër, ku një adoleshente i ka dhënë fund jetës në mënyrë tragjike.
Viktima është shtetasja E. M., 17 vjeçe, banuese në Gjirokastër, e cila dyshohet se ka varur veten në banesën e saj.
Autoritetet policore raportojnë se vajza është dërguar rreth orës 17:00, në spitalin e Gjirokastrës nga babai i saj, pa shenja jete.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Mësuesit e përshkruajnë 17-vjeçaren si vajzë të qetë me shoqëri të kufizuar dhe me rezultate të mira në shkollë. Askush nuk kishte vënë re sjellje shqetësuese të saj më parë.
Komuniteti i mësuesve dhe nxënësve është shokuar nga ngjarja e papritur.
Discussion about this post