Ngjarje e rëndë në Sllovaki, nxënësi vret mësuesen dhe shoqen e klasës

Një ngjarje e rëndë është shënuar në Sllovaki ku një nxënës ka vrarë mësuesen dhe një shoqe të klasës së tij.

Sipas raportimeve nga mediat lokale, ngjarja ndodhi këtë të enjte në një shkollë të mesme në veri të Sllovakisë. Adoleshenti goditi me thikë mësuesen dhe një nxënës tjetër të cilët mbetën viktima, ndërkohë e plagosur rëndë ka mbetur një tjetër nxënëse e klasës.

Disa ekipe emergjence u dërguan në shkollën në Spisska Stara Ves, ku dy persona u gjetën të vdekur dhe një i tretë u dërgua në spital me plagë me rëndësi të mesme, tha përfaqësuesja e shërbimeve emergjente, Danka Čapkova.

Autoritetet thanë se viktimat ishin një grua 51 vjeçare dhe një tjetër 18 vjeçare, ndërkohë e plagosur mbeti edhe një 18 vjeçare.