Ambasada e SHBA në vendin tonë ka njoftuar se mediat shqiptare janë të ftuara në një event historik për të gjithë botën. Bëhet fjalë për filmimin e imazheve të Sistemit të Nisjes Hapësinore të saj dhe anijes Orion të NASA-s. Në njoftim është bashkëngjitur dhe linku, ku mediat mund të aplikojnë për akreditimin e tyre. Afati i fundit thuhet se është në datën 18 janar.
“Mediat shqiptare ftohen të regjistrohen në Administratën Kombëtare të Aeronautikës dhe Hapësirës (NASA) për të dëshmuar një ngjarje historike! NASA ka ftuar mediat amerikane dhe ndërkombëtare që të filmojnë imazhe dhe video të Sistemit të Nisjes Hapësinore të saj dhe anijes Orion të NASA-s, ndërsa raketa e përbërë dhe anija kozmike bëhen gati për momentin e nisjes për herë të parë, në përgatitje për misionin Artemis I të NASA-s. Afati i fundit për mediat ndërkombëtare për të dorëzuar kërkesat për akreditim është 18 janari. Klikoni këtu për më shumë detaje: https://go.nasa.gov/3K4Z74i”, thuhet në njoftim.
Discussion about this post