Një ngjarje e rëndë ka ndodhur në fshatin Nikoliq të Hasit, ku nga zjarri që ka përfshirë një banesë kanë humbur jetën nënë e bir.
Mësohet se ngjarja ka ndodhur rreth orës 02:00 .
Në shtëpi jetonte një familje. Djali i shtëpisë Rexh Lushi ka lajmëruar zjarrfikësen, e cila është nisur drejt vendngjarjes që është 8 km larg Hasit në një rrugë me kalldrëm.
Ndërkohë zjarri kishte marrë përmasa dhe Rexh Lushi, pasi ka shpëtuar bashkëshorten është futur në shtëpi për të nxjerrë nënën e bllokuar mes flakëve, Fatime Lushi, por nuk ka mundur dot të dalë prej andej.
Trupat e pajetë të nënë e bir janë nxjerrë nga banesa pas shuarjes së flakëve.
Shkak për ngjarjen dyshohet një pakujdesi e familjarëve, të cilët mendohet se kanë harruar një ngrohëse ndezur.
Megjithatë një ekip ekspertësh po kryejnë veprimet për identifikimin e shkakut të zjarrit.
“Rreth orës 02:00, në fshatin Nikoliq, dyshohet se aksidentalisht ka rënë zjarr në banesën e shtetasit R. L. Si pasojë e zjarrit, kanë humbur jetën shtetasi R. L. dhe nëna e tij, shtetasja F. L., ndërsa bashkëshortja e shtetasit R. L., shtetasja A. L., ka mundur të dalë nga banesa. Grupi hetimor, në drejtimin e prokurorit, po punon për përcaktimin e shkakut të rënies së zjarrit”, njoftoi policia.
Lexo edhe:
Discussion about this post